Bakit pa, Bunso?
Bakit mo pa kinakapalan ang kulay
ng iyong mapupula nang mga labi?
Bakit mo pa pinagmumukhang matangos
ang mataas mo naman nang ilong?
Bakit mo pa pinapapula
ang mestisahin mo nang mga pisngi?
O, bunso, hindi mo ba alam
na nagmumukha kang bangkay?
Hindi tuloy bumabagay
sa kasimplehan mong taglay.
Kung di ka naniniwala,
ihahatid kita sa’yong libingan.
Tara na, nang di ka makita
nila Mama, Papa, Kuya,
at ng mahal kong si Joshua
na ganyan ang itsura.
Sige ka, di ka na nila pupurihin pa.
No comments:
Post a Comment